1-сынып оқушыларының қатысуымен заманауи цифрлық технологияларды пайдалана отырып, «Ертегілер әлеміне саяхат» атты қызықты сыныптан тыс іс-шара болып өтті

Іс-шара барысында дәстүрлі викторина ерекше форматтағы танымдық квест-ойынға айналды. Балалар ертегі әлеміне саяхат жасап, түрлі жұмбақтарды шешіп, сүйікті ертегілерінің кейіпкерлерін анықтады. Тапсырмаларды орындау үшін оқушылар QR-кодтарды сканерлеп, смартфондар арқылы берілген сұрақтар мен жасырын белгілерді тапты.Оқушылар «Қасқыр мен жеті лақ», «Балықшы мен балық», «Қызыл телпек», «Үш аю» және басқа да танымал ертегілердің кейіпкерлерін қызығушылықпен танып, өз білімдерін ортаға салды.Квест барысында балалардың ойлау қабілеті, тапқырлығы, цифрлық сауаттылығы және топпен жұмыс істеу дағдылары дамыды. Олар бір-біріне қолдау көрсетіп, тапсырмаларды бірлесе орындап, ұйымшылдық танытты.Заманауи технологиялар мен ертегі әлемі үйлескен бұл іс-шара оқушыларға көтеріңкі көңіл күй сыйлап, білім алудың қызықты әрі шығармашылыққа толы болатынын көрсетті. Балалар кітап оқудың маңызын тағы бір мәрте сезініп, білім мен технологияның өзара үйлесім табатынына көз жеткізді!